माझिया जिवलगा ...

उन, मन आणि पान...

कोवळ्या उनाचे कवडसे
एक हिरवस पान
आणि अस्वस्थ मन

उनाचे सौम्य किरण
पानाची सळसळ
आणि मनाची तळमळ

उनाचे सोनेरी रूप
पानाचा पिवळा रंग
आणि मनाचे नैराश्य

उनाची वाढती रणरण
पानाची घनदाट छाया
मनी दाटलेला काळोख

उनाचे तप्त किरण
पिवळे पिकलेले पान
जळक्या मनाची चाळणी

अखेरचा मंद प्रकाश
गळून पडलेले पान
मनाची घोर व्यथा

पुन्हा एक नविन कवडसे
पानाचे नवे अंकूर
मनाचे गुदमरत जगणे...