माझिया जिवलगा ...

खूप काही उरल आहे
ती वाट मात्र मागे पडली;
पुढची नकोशी आहे
तिच पायाशी कशी आली?

रिक्त ओंजळ कमी पडावी
समोर इतकं वेचायचं आहे;
'ईदम न् मम' चा सुर
आतला मी घोकत आहे

चार पावलं मागे जातात
नवी आठ समोर पडतात
पुढे की मागे करता करता
माझे मार्गच बदलतात..

... ह्या शहरातील वसंत
उदास उदास आहे
बहरुन आहे, डवरुन आहे
गाभ्यात मात्र पोखरुन आहे

कोकीळेचा इथे कळिरव आहे
घनदाट झाडीत सुर आहे
आसमंत चौफ़ेर तल्लीन आहे
निरव क्षणी मात्र खंत आहे

मंगलधुन अशी पहाट आहे
सानगोजिरी दुपार आहे,
तिन्हीसांजेची लाली आहे
ऐन राती डोळ्यात कृष्णमेघ आहे

ह्या शहरातील वसंत
वैशाख वणव्यात तळपत आहे
माझ्यासह जीन जगत आहे
माझा सोबती सहचर झाला आहे..